Í november fer BEINIR at hava sínar egnu konsertir í VEGA í Keypmannahavn og VinDanmark í Aarhus, ávv. mikudagin 9. og hósdagin 10. november.
Í fjør hoyrdu danir á fyrsta sinni tónleikin hjá BEINIR, tá EP’in “World out There” kom út, og tá hann skrivaði og sang lagið “I’m Not Crying, You Are” saman við ungu donsku songkvinnuni Dopha á hennara fyrstu útgávu. At hita upp fyri størri nøvn , m.a. Dopha og Jonah Blacksmith, hevur eisini verið ein partur í arbeiðnum at fáa tónleikin hjá BEINIR út til fleiri áhoyrarar.
Síðan EP'in kom út, hevur BEINIR skrivað og fyrireikað løg til eina heildarútgávu saman við góðum fólki hjá plátufelagnum "The Bank". Ætlanin er, at útgávan kemur næsta ár. Á konsertunum í november verða løg av EP'ini "World Out There" og nýggj løg, sum verða á av komandi útgávuni, at hoyra.
BEINIR syngur og spælir einsamallur við gittara ella klaveri.
Atgongumerkir til konsertirnar fáast her: https://tix.to/beinir
