Í kvøld verða helmingurin av dystunum í 5. og næstseinasta umfarinum í bólkaspælinum í Champions League spældir. Fyri fleiri er talan um seinasta møguleika, at halda lív í vónini at koma víðari.
Í bólki E er stórt trýst á FC Barcelona og Benfica, sum møtast á Camp Nou í Katalanska høvðusstaðnum. Tað er kreppustøða í FC Barcelona, men vinna teir í kvøld, er víðari luttøka tryggjað.
Vinnur Benfica er portugisiska felagið eitt stig frammanfyri undan seinasta umfari. Tá møtir Benfica Dynamo Kiev, meðan FC Barcelona skal spæla í Týsklandi móti Bayern Munchen. Tað er ilt at meta um, hvør stendur sterkari við einum javnleiki, tí tá verður alt avgjørt á seinasta leikdegnum.
FC Barcelona – Benfica (20.00)
Dynamo Kiev – Bayern Munchen (17.45)
Støðan:
- Bayern Munchen 12 (stig)
- FC Barcelona 6
- Benfica 4
- Dynamo Kiev 1
Bólkur F:
Michael Carrick skal standa á odda fyri Manchester United, sum kann vinna seg víðari við sigri á Villarreal, og umvent. Bæði hava sjey stig. Størsti avbjóðari er Atalanta á fimm stigum, sum helst skal vinna á Young Boys.
Villarreal – Manchester United (17.45)
Young Boys – Atalanta (20.00)
Støðan:
- Manchester United 7
- Villarreal 7
- Atalanta 5
- Young Boys 3
Bólkur G:
Eysturríska RedBull Salzburg kann tryggja sær víðari luttøku við sigri á franska Lille, sum annars er við at koma fyri seg eftir meistaratimburmenn eftir farna kappingarár. Sevilla er størstu knípuni og skal vinna, fyri at hava møguleika at koma víðari.
Lille – Salzburg (20.00)
Sevilla – Wolfsburg (20.00)
Støðan:
- RB Salzburg 7
- Lille 5
- Wolfsburg 5
- Sevilla 3
Bólkur H:
Juventus og Chelsea eru so gott sum víðari, og eftir erat spæla um fyrsta plássið. Tey møtast á Stamford Brigde í kvøld. Chelsea skal vinna, um teir skulu hava fyrsta plássið. Tapur Chelsea og Zenit vinnur sín dyst, so verður ein spennandi dystur í Russlandi millum Zenit og Chelsea í seinasta umfarinum.
Chelsea – Juventus (20.00)
Malmø – Zenit (20.00)
Støðan:
- Juventus 12
- Chelsea 9
- Zenit 3
- Malmø 0
