Belgiski áleyparin, Michy Batshuayi, skuldi fegnast um málið, sum Begliga fekk móti Onglandi, men endaði við at fáa bóltin beint í andlitið.
Síggj hendingina við at trýsta á pílin á myndini
Í málrúsinum tók hann bóltin og gúppaði hann móti stongini, sum tó svaraði aftur við at senda bóltin beint í andliðið á belgiska áleyparanum. Eftirfylgjandi mátta hann steðga á eina løtu, áðrenn hann kom fyri seg. Onkur hevur við einum skálkabrosi kallað tað fyri karma.
Hann hevur síðani sligið hendingina upp í glans á sosialu miðlunum, har gøldur verða gjørdar burturúr hendingini. Belgia vann dystin 1-0 og vann sostatt bólkin.
