“Við at gera dugnaligu starvsfólkini í Atlants Tøkni til part av Senta, er Senta konsoliderað við munandi meiri vitan, og styrkt er almikið um menningarpartin í fyritøkuni, soleiðis at hon nú kann bjóða eina fullfíggjaða tænastuviftu til alt tað føroyska vinnulívið og til privatkundar,” siga Rolf Herup Olsen og Christian Nagata,
stjórar í Nema.
Nýggja átakið er eisini ein umráðandi liður í vakstrarætlanunum hjá Senta og týðandi táttur í at styrkja um marknaðarstøðuna hjá fyritøkuni, bæði í Føroyum og uttanlands.
Um Atlants Tøkni
Atlants Tøkni er ráðgevingar- og menningarfyritøka og varð stovnsett í 2001. Fyritøkan hevur í virki sínum lagt dent á at veita umsitingarligar og tøkniligar KT-loysnir av bestu dygd og hevur verið í støðugum vøkstri síðan byrjan.
“Vit brenna fyri at menna dygdarloysnir. Saman við Senta fáa vit betri møguleikar at veita størri og enn betri loysnir, eins og vit styrkja um sølu og marknaðarliðið,” sigur Yngvi S. Guttesen, nevndarformaður í Atlants Tøkni.
Atlants Tøkni hevur ment fleiri størri skipanir fyri stovnar og fyritøkur í Føroyum og uttanlands. Nevnast kunnu t.d. “Fíggjarlógarskipan landsins,” ið er karmur um alt fíggjarlógararbeiði løgtingsins, “Føroya sporførisskipan,” ið er stýrikervi fyri sporførisupplýsingum í fiskivinnuni, og “Nøglan,” ið er støðið undir øllum vøru- og tænastuveitingum hjá Føroya Tele. Nøglan vann heiðurin “Ársins talgilding” í 2005.
Fram til í dag hava starvast 13 serfrøðingar á fyritøkuni, allir við hægri útbúgving á sínum øki. Hesir verða nú samrunnin partur Senta og ein sjálvsagdur liður í framtíðar menningini hjá einari av Føroya størstu og fremstu KT-fyritøkum.
