Asfalt ella føroyskt mál?

- Um ein politikari hevur eina millión, skal hann so keypa asfalt ella føroyskt mál? Hugsa tær hvussu nógv føroyskt mál og hvussu lítið asfalt hann hevði fingið fyri pengarnar, sigur Jonhard Mikkelsen, og minnir á, at umstøðurnar at læra seg føroyska máli er og verður ein spurningur um politiska raðfesting

Anna V. Ellingsgaard

05.02.2010 (13:56)

<style type="text/css">  </style>   <o:p>
</o:p> <o:p></o:p> Nú enn eitt skeið í føroyskari stavseting var liðugt í vikuni, er Jonhard Mikkelsen, stigtakari og lærari, ikki í iva. Motivatiónin hjá fólki at læra seg at stava føroyskt økist í takt við tørvin á at duga okkara mál væl. Og tørvurin hevur neyvan verið størri, nú ein alsamt størri partur av samskiftinum bæði í vinnulívinum og privat fer fram skrivliga.<o:p></o:p> Mangla føroyskar málmyndir<o:p></o:p> - Tað sosatt ikki motivatiónini ella viljanum hjá fólki, tað er galið við. Trupulleikin er heldur, at føroyska málið er ikki er ein nátúrligur partur av tí, sum vanlig fólk eru engasjerað í dagliga. Tað eru ikki føroyskar málmyndir, tú sært og setir í samband við tað stuttliga og spennandi í gerandisdegnum, sigur Jonhard Mikkelsen.<o:p></o:p> Hann minnir á, at alt, líka frá fartelefonum og telduspølum til filmar og tíðarrit fyri tað allarmesta er á útlendskum máli, og tí verður føroyskt áhaldandi otað út í ein lítlan bás, har tað í besta føri bara er avmarkað til eina lærugrein skúlanum.<o:p></o:p> - Og tað skaðar føroyska málið, tí okkara mál mennist bara, um tað sleppur at súgva merg úr tí, sum fólk ganga upp í og eru upptikin av. So leingi tey impulsini í høvuðsheitum koma úr útlendskum, ja so verður menningin av føroyskum við skerdan lut.<o:p></o:p> Jonhard Mikkelsen viðgongur, at hetta er hansara egna teori um, hví so nógvir føroyingar hava trupulleikar við at stava føroyskt.<o:p></o:p> - Vit raðfesta heldur ikki gransking í orsøkini til trupulleikarnar, so eg má bara gita meg til, hvør orsøkin er, minnir hann á. <o:p></o:p> - Ein onnur orsøk er uttan iva, at fólk halda at man ikki kann læra føroyska mállæru uttan at vera tristur og í ringum lag samstundis. Tað er soleiðis, alt ov nóg minnast føroyskt í skúlanum. Har kundu vit lært nógv av bretum, sum duga fantastiska væl at brúka humor sum brellbita, tá teir borðreiða við mállæru, sigur Jonhard Mikklesen, og leggur afturat<o:p></o:p> <o:p> </o:p> - Í síðsta enda er hetta ein spurningur um politiska raðfesting. Tá asfalt og betong er á breddanum, síggja vit, at pengarnir eru til. So er spurningurin bara: Um ein politikari hevur eina millión, skal hann so keypa asfalt ella føroyskar tekstir til filmar fyri hana? Hugsa tær hvussu nógv meira føroyskan tekst og hvussu lítið asfalt hann  hevði fingið fyri pengarnar, sigur Jonhard Mikklesen.<o:p></o:p> Sum støðan er í løtuni er tað soleiðis, at tú skalt berjast fyri hvørji 10 krónu til málið. Men hetta er ein uppgevandi hugburður sum bara góðtekur støðuna sum hon er, heldur enn at vísa veruligan vilja at broyta hana, staðfestir hann.<o:p></o:p> Men eisni hetta er ein spurningur um raðfesting. At velja onki at gera og lata standa til er eisini ein politisk avgerð í síðsta enda, minnir Jonhard Mikkelsen á.<o:p></o:p> Sjálvur hevur hann tó ongar ætlanir um at gevast á hondum. Í næstum verður skeiðið í føroyskari stavseting tikið uppaftur. Hartil  arbeiðir hann við eini ætlan um at leggja skeiðið í út á netið, so fólk kunnu royna seg sjálvi, og tey sum longu hava verið á skeiði, kunnu halda tað við líka.<o:p></o:p> <o:p> </o:p> <o:p></o:p> <o:p></o:p>  <o:p></o:p>

Asfalt ella føroyskt mál?

Mest lisið

Telefon ringdi av sær sjálvum til alarmsentralin

Myndir: Móttøka hjá Articon

Skilji ikki at fólk ikki tíma hetta arbeiðið

Teldufrøðingur er størsti seyðabóndi í Oyndarfirði

Heðin Mortensen broytt meining um Tjóðleikhúsið

Ovara endaspælið: KÍ hevur stóran fyrimun undan seinasta dystinum

Annaðhvørt akfar í Føroyum er í Streymoynni

Enn ein nátt í myrkri hjá fleiri túsund í Noregi

Ummælari um leik: Upphav er eitt tiltrongt listaverk

Galaxy siglir bert fyrrapartin í morgin