Enska fótbóltsfelagið Arsenal hevur sett Unai Emery sum venjara í felagnum. Hann tekur við eftir fraklendingin Arsene Wenger, sum røkti starvið í 22 ár.
Unai Emery er 46 ára gamal og ættaður úr Hondarribia har norðuri í Spania. Baskarin spældi við eitt nú Real Sociedad, Toledo og Leganés.
Í 2004 gjørdist hann venjari í Lorca Deportivo, og síðani hevur hann vant Almería, Valencia, Spartak Moskva, Sevilla og PSG.
Farna kappingarár vann Emery fronsk landskappingina og báðar steypakappingarnar saman við PSG, og áður hevur hann vunnið Europa League tríggjar ferðir á rað saman við Sevilla.
