Myndugleikarnir í Argentina hava gjørt av at senda ST-trygdarráðnum og ST-aðalfundinum kæru um tað, sum teir kalla bretska hernaðardubbing við Falklandsoyggjarnar. Tað segði argentinski forsetin, Cristina Kirchner (myndin), í gjár.
Bretar hava nýliga havt hernaðarvenjing við Falklandsoyggjarnar, og argentinar siga, at venjingin hóttir altjóða trygdina. Tað hevur ikki bøtt um støðuna, at William prinsur ger tænastu á Falklandsoyggjunum nú, og at Bretland fer at senda sítt nýggjasta herskip til oyggjarnar.
Bretski forsætisráðharrin, David Cameron, hevur víst øllum atfinningunum úr Argentina aftur.
