Tourist Guide ?99 er faldarin, sum Ferðaráðið sendir út til útlendsku ferðaskrivstovurnar og ferðasmiðirnar eins og einstaklingar, sum hava fyrispurningar um Føroyar. Eisini verður faldarin latin ferðafólkum í Føroyum ókeypis.
Dentur verður lagdur á, at gera faldaran, sum hevur verið væl móttikin av ferðafólkum, enn betur hesa ferð - og byrjanarfeilirnir, sum vóru seinasta ár, skulu útruddast.
Tourist Guide ?99 verður prentað á enskum og á donskum. Og verður undirtøkan nóg stór, verður eisini ein týsk útgáva gjørd hesa ferð. 50.000 eintøk verða prentað tilsamans. Bóklingurin verður út við hundrað síður.
Alt tilfarið úr ?Tourist Guide ?99? verður eisini lagt út á Internetið á øllum trimum málum. www.faroeislands.com. ?Com? merkir ikki at heimasíðan liggur í USA. Com merkir commercial og kann liggja hvar sum helst í heiminum. www.faroeislands.com liggur á servaranum hjá telefonverkinum.
Tekstin til Tourist Guide ?99 skrivar Gunnari Hoydal í samráði við kunningarstovurnar. Hildur Durhuus stendur fyri praktisku upplýsingunum. Sansir samskipar og hevur ábyrgdina av útgávuni.
Absalon Hansen savnar lýsingarnar saman og tekur myndirnar til bóklingin. Absalon kemur at vitja kring oyggjarnar, har hann eisini fer at taka myndir til bóklingin. Eisini bjóðar hann sær til, at taka myndir av virkjum sum skulu lýsa fyri sera lagaligan prís. Bræv er sent til ferðavinnuna um útgávuna.
Vitja Tourist Guide ?98 á www.faroeislands.com.
