Filmsjónleikarin Sir Anthony Hopkins dugur annað, enn sjónleik.
Síðani hann var heilt ungur, hevur hann skrivað tónleik, og eitt av verkum hansara frá ungum árum er And The Waltz Goes On.
Hesin hevur verið ókendur í 50 ár, men so tók Hopkins seg saman og setti seg í samband við tónleikaran André Rieu, sum Hopkins metir høgt. Hopkins vildi fegin hava Rieu at spæla sín waltz saman við sínum orkestri.
Rieu fær javnan boð frá fólki, ið vilja hava hann at spæla tónleikastykki, ið tey hava skrivað, men ofta verður hetta helst av ongum. Men tá tónleikarin hoyrdi, at hann hevði kenda sjónleikaran í telefonhorninum, mátti hann vissa seg um, at hetta var veruleiki.
Samstarv kom í lag og Rieu framførir walts hjá Hopkins og á filmsbrotinum (sí leinkju) sæst, at Hopkins er rørdur at hoyra verk sítt fyri fyrstu ferð, 50 ár eftir, at hann sum ungur skrivaði verkið.
trýst her: https://www.youtube.com/watch?v=CVB2mfUQqh4
