Reuters veit at siga, at ísur á flogbreytunum í altjóða floghavnini í Berlin ger, at myndugleikarnir síggja seg noyddar at steingja floghavnina.
Tíðliga í morgun var ikki greitt, nær flogferðslan væntandi kundi takast uppaftur.
Heitt verður tí á ferðafólk, sum ætla sær til og frá flogvøllinum í Berlin, um at venda sær til flogfelagið, áðrenn farið verður á flogvøllin.
Eisini í gjár sóu myndugleikarnir seg noyddar at steingja floghavnina í Berlin partar av degnum. Tá varð sagt, at kavi og regn frystu til ís á flogbreytunum.
Í gjár varð eisini týski býurin Stuttgart í útsynningspartinum av Týsklandi raktur av streymsliti.
Ógreitt var, hví streymurin fór, og ein avleiðing av streymslitinum var, at ferðsluljós í býnum virkaðu ikki.
