Torkil Veyhe staðfesti í dag sína støðu sum sterkasti súklarin í einkultstarti á oyggjaleikunum, tá hann fyri løtu síðani vann gull á 37 kilometra langa teininum í Gotlandi.
Torkil Veyhe fór avstað sum tann seinasti av súklarunum, men á mál gjørdist hann næstan tveir minuttir skjótari enn silvurvinnarin.
Føroyski súklarin lá á odda frá byrjan til enda og fór framvið fleiri av teimum, sum byrjaðu áðrenn seg.
Torkil Veyhe vann eisini gull í einkultstarti á oyggjaleikunum í Jersey í 2015, so hann megnaði at verja gullmedaljuna.
