Sum liður í dagføring av kloakkum í býnum hevur Klaksvíkar kommuna yvir eitt 6-8 ára tíðarskeið sett av umleið 80 miljónir krónur í verkætlan, sum verður nevnd spillvatnsætlanin.
- Tí verður vegurin yvir av Biskupsstøðgøtu við Fonn Flog í løtuni grivin upp. Leiðing verður løgd frá reinsiverkinum á Biskupsstøð og niðan til Jørundsgøtu, Fjósabrekku og heilt norður á Garðavegin.
Sambært Klaksvíkar kommunu skuldi koyribreytin verið løgd aftur í dag á middegi, so koyrandi er um vikuskiftið á báðum koyribreytum.
- Mánadagin verður síðan hildið fram í eystaru koyribreyt á sama vegastrekki. Mett verður, at hetta arbeiðið kemur at taka einar tveir dagar, tá aftur verður koyrandi á breytini.
Lagt verður aftrat, at a sfalterað verður aftur, stutt eftir at breytin er fylt upp, og tað er koyrandi eftir vegnum.
Tað er Sp/f á Brekku, sum ger hetta arbeiðið fyri Klaksvíkar kommunu.
