Tað runnu fleiri skattakrónur í landskassan í 2013 enn í 2012. Í fjør var meirinntøkan í landsskatti, sammett við 2012, 25,12 milliónir krónur. Tað svarar til 2,04 prosent. Landsskatturin í 2013 var 1.255.822.821 krónur. Í 2012 var landsskatturin 1.230.706.285 krónur.
Eftirlønarskatturin í 2013 var 21.805.656 krónur hægri, enn hann var í 2012. Tað svarar til eina meirinntøku upp á 10,23 prosent. Í fjør var eftirlønarskatturin 234.993.777 krónur. Í 2012 var hann 213.188.121 krónur.
Desember mánaði royndist væl í landsskattinum. Meðan meirinntøkan fyri alt árið var 2,04 prosent høgri, enn hon var í 2012, so var meirinntøkan í landsskattinum í desember 3,29 prosent hægri í 2013, enn hon var í desember 2012.
