Uttan fyri Tøting standa Jón Hammer og Bárður Dal Christiansen. Teir gleða seg til at hoyra góðan tónleik á G! Festivalinum í kvøld.
– Eg gleði meg mest til ta loyniligu konsertina. Eg havi eitt stórt ynski um, at tað verður Simon von Konoy, sum fer at taka okkum øll á bóli, sigur Bárður Dal Christiansen.
– Annars eri eg mest spentur uppá RSP, sigur Bárður.
Í dag eri eg mest spentur uppá Marius Ziska, Byrta og serliga spentur uppá When Saints Go Machine. Og sjálvandi 200 seinni, sigur Jón Hammer.
##med2##
Heiðrik á Heygum og Lena Nicolajsen eru akkurát komin til Syrðugøtu, og tey hava eisini ymiskt, sum tey síggja fram til í kvøld.
– Eg fari at lurta eftir Byrta, Brimheim og When Saints Go Machine, sigur Lena Nicolajsen.
– Eg gleði meg mest til Byrta og Brimheim. Altso Byrta hava ikki spælt í fleiri ár, og nú koma tey aftur. Tað verður gott, sigur Heiðrik á Heygum.
