TRÝST á PÍLIN undir MYNDINI, og hoyr triðju samrøðuna reportarin hjá Rás2, Vilmund D. Jacobsen gjørdi í sendingini "Bátaradio" á Rás2 seinnapartin, har sent verður frá Bátastevnuni í Vestmanna.
Vilmund D. Jacobsen prátaði við Viviann Petersen, ið mong kenna sum ein sera dugnaligan landsliðsmálverja. Viviann Petersen er systur Paula T. Petersen, borgarstjóra í Vestmanna.
Samrøðan var gjørd umborð á bátinum, "Viviann", ið ber navnið hjá Viviann Petersen.
Viviann Petersen spældi farna kappingarár við liðnum, Selfoss í bestu íslendsku hondbóltsdeildini, og tað eydnaðist liðnum at bjarga sær undan niðurflyting.
Viviann Petersen hevur tó ikki longt við Selfoss, og nú fer hon at spæla hondbólt í Føroyum aftur. Hin hevur tikið avgerð um, at greipuvinnararnir í heimbygdini, VÍF verður liðið sum hon fer at spæla við komandi kappingarár.
Viviann Petersen kann ikki gera ov nógv av á Bátastevnuni í Vestmanna, tí mikukvøldið skal hon spæla EM-undankappingardyst ímóti Serbia í stórhøllini á Hálsi í Havn.
