Sunnudagin skipar Sandoyar Kunningarstova fyri ferð út til Stóru Dímun. Túrurin byrjar á bryggjuni á Sandi sunnudagin 12. augusi kl. 10.30, haðani farið verður við bátinum Hvíthamri út til oynna. Skipari er Jóan Petur Clementsen.
Í Dímun verður gingið upp gjøgnum Kleivina saman við Dímunarbóndanum, sum eisini verður ferðaleiðari á oynni.
Sandoyar Kunningarstova sigur, at tað gott at hava heit klæðir og matpakka við sær á ferðini, og at tey, sum ætla sær við, skulu siga frá á Sandoyar Kunningarstovu í seinasta lagi fríggjadagin 10. august kl.15. Kostnaðurin er 400 krónur.
