Ofta býr fals undir fríum skinni má ásannast, tá man samanber føgur orð hjá høgrasamgongunar sosialpolitisku oddakvinnum við tann kalda hóttanar- og ræðupolitikkin móti núverandi og komandi eldri ættarliðum:
· Pensjónsaldurin skal setast upp til 70 ár.
· Privat eftirlønartrygging skal tvingast við lóg og troka samhaldsfastar almannapensjónir til viks.
· Sambýlir og røktarheim skulu niðurlagast.
· Og fíggjarliga ábyrgdin av eldrarøktini skal blakast út í ótryggleikans kommunala klútateppa.
Ikki sakligar grundir fyri hægri pensjónsaldri
Tað er blivin politiskur prædikutekstur flestastaðni í Europa, at pensjónsaldurin má setast upp sum hyggiráð móti útreiðsluvøkstrinum av veksandi eldraættarliðum, samstundis sum færri verða í vinnuførum aldri.
Tó tað er út frá heilt øðrum veruleika enn okkara: ”OECDs ferske fremskrivninger viser at pensjonsalderen i snitt vil øke til 65 år i 2050” (tíðarritið Mandagmorgen.no).
Um vit samanbera við onnur lond í okkara heimsparti, eru ikki sakligar grundir fyri eini hækking av pensjónsaldrinum í Føroyum:
· Onga aðra staðni er so lítil partur av fólkinum undir 67 ár pensjonistar
· Vit hava longu sum er tann hægsta pensjónsaldurin.
· Vit hava tann størsta partin av fólkinum, sum er virkin á arbeiðsmarknaðinum.
· Onga aðra staðni er so stórur partur av tí eldra fólkinum so longi virkin á arbeiðsmarknaðinum.
Les alla greinina hjá Hans Paula Strøm við at Trýsta á fílin " Pensjónsaldur" niðanfyri.
