Eftir ætlan skuldi ein dystur í SMS-deildini verða leygardagin.
Í kappingarskránni stendur at VB skal spæla ímóti H71 leygardagin klokkan 15.00, men dysturin verður av ongum í morgin.
Í stuttum skrivi á hsf.fo kunnger Hondbóltssamband Føroya, at dysturin er avlýstur.
Í skrivinum vísir Hondbóltssambandi á "Óvissurnar um veðurforsøgnina og hetta í mun til avmarkingarnar hjá ferðaskipinum, Prince."
Hinir dystirnir í SMS-deildini um vikuskiftið verða leiktir sum ætlað. VÍF og Neistin spæla í Vestmanna klokkan 14.00
Stjørnan og Kyndil spæla í Klaksvík sunnudagin klokkan 15.00
Næsti dystur á skránni hjá VB er ímóti Kyndli í Havn 12. oktober.
Støðan í SMS-deildini
| Nummar | Lið | Dystir | V.m. | T.m. | Munur | Stig |
| 1 | VÍF | 4 | 122 | 90 | 32 | 6 |
| 2 | Kyndil | 2 | 56 | 31 | 25 | 4 |
| 3 | H71 | 2 | 50 | 46 | 4 | 4 |
| 4 | Neistin | 3 | 65 | 62 | 3 | 2 |
| 5 | StÍF | 3 | 57 | 97 | -40 | 2 |
| 6 | Stjørnan | 2 | 45 | 54 | -9 | 0 |
| 7 | VB | 2 | 40 | 55 | -15 | 0 |
