Ferðaráðstevnan visitfaroeislands, ið verður hildih á sætta ári, er serliga spennandi hesaferð, tí so nógvir nýggir aktørar er við fyri fyrstu ferð. - Ferðavinna er ein vinna, har tú ikki sum í fiskiskapi kanst gera eitt enstakt kast og hara gerast millióningur.
Tað sigur Magni Arge, stjori í Atlantsflog, sum saman við ferðavinnudeildini hjá uttanríkisráðnum skipar fyri ferðafinnuráðstevnuni, visitfaroeislands.
Nógv spennandi nýggj lond eru á fyrsta sinni við í ár, og serliga spennandi er amerikanski marknaðurin.
Fyrrapartin hava verið fyrilestrar við fleiri áhugaverdum røðarum, og eftir døgurðassteðgin verður so farið undir ymiskar work-shops.
Fyrireikararnir eru sera væl nøgdir, tí hetta er fyrstu ferð, at útvið 70 luttakarar eru við. Vanliga liggur talið undir 40.
Ráðstevnan heldur fram til klokkan 17.30 í dag, og endað veðrur við einum døgurða klokkan 20 við dansi aftaná.
Í morgin verða útferir gjørdar, og útlendsku gestirnir fara av landinum aftur sunnudagin.
