Sinnisbati arbeiðir við eini verkætlan við endamálinum at geva sálarsjúkum eitt meira innihaldsríkt lív.
Felagið hevur leigað Gula húsið á Niels Finsensgøtu í Havn, og har skal verða ymist virksemi fyri fólk, sum eru sálarsjúk.
Málið er at menna tey til at kunna fara út á arbeiðsmarknaðin ella í skúla.
Í húsinum verður ymist arbeiði til teirra, og har skulu tey eisini læra at liva við síni sjúku.
Verkætlanin verður løgd fram á aðalfundinum hjá Sinnisbata leygardagin.
