Hetta kemur í kjalarvørrinum av, at Kina hevur svarað heimsumfatandi tollinum hjá amerikanska forsetanum, Donald Trump, á útlendskar vørur.
Japanska Nikkei 225 vísitalan fellur 7,8 prosent, tá marknaðurin stongdi.
Partabrøvini í Hong Kong eru eisini farin at falla. Hang Seng Index lækkar við meira enn 12 prosentum, og tað er størsta fallið á partabrævamarknaðinum í meira enn 16 ár. Virðisbrævamarknaðurin í Hong Kong er ikki stongdur enn.
Í Avstralia endar vísitalið við einum afturgongd uppá 4,2 prosent. Hetta er størsta afturgongdin síðani árslok 2023. Donald Trump kunngjørdi nýggjan amerikanskan innflutningstoll á útlendskar vørur mikudagin í síðstu viku.
Vørur úr ES verða álagdar 20 prosent tolli, meðan kinesiskar vørur til dømis verða raktar við 34 prosent tolli.
Kina svaraði aftur fríggjadagin við at hevna seg móti amerikanska tollinum, og sendi fleiri støðubylgjur gjøgnum partabrævamarknaðirnar. ES fer væntandi eisini at svara.
/ritzau/AFP
