Skuldarkreppan í Evropa hevur gjørt, at rentan er farin í botn, og í dag hendi fyri fyrstu ferð tað, at Týskland seldi virðisbrøv við negativari rentu.
Hetta hendi, tá landið seldi tvey ára virðisbrøv fyri 4,2 milliardir evrur við einari rentu, sum var minus 0,06 prosent. Tá Týskland seldi virðisbrøv seinast, var rentan 0,1 prosent.
Áhugin fyri teimum nýggju virðisbrøvunum var stórur, og landið fekk boð upp á tvær ferðir tað, sum var útboðið.
