Føroyski landsliðsbakkurin spældi í dag fyri felagið hjá sær, Vejle Boldklub, í næstbestu deildini í Danmark. Velje tók móti gamla felagnum hjá Jóan Símuni Edmundsson, FC Fredericia.
Úrslitið gjørdist ein 3-1 sigur. Við støðuni 2-1 var tað Viljormur Davidsen, sum átti uppleggið, tá Kristian Gaarde avgjørdi dystin við málið til 3-1. Heimsíðan hjá Velje lýsir uppleggið sum eitt gott innlegg.
Orsaka av uppgávuni við Velje, so er ikki møguligt hjá Viljormi at spæla við A-landsliðnum, sum í morgin spælir móti Malta.
Vejle er nú nummar trý í NordicBet deildini í Danmark.
