Nú 18 ár eftir, at vit fingu Rúsdrekkasølu Landsins, halda 60 prosent av føroyingum, at tíðin er komin at loyva fríari rúsdrekkasølu. Hetta vísir kanning, sum Granskingardepilin fyri Samfelagsmenning hevur gjørt fyri Sosialin.
Sosialurin kunnger í dag eina spurnarkanning, sum vísir, at stórur meirluti av fólkinum, 59,9 prosent, vil hava fría rúsdrekkasølu.
Soleiðis kann staðfestast, at viljin hjá fólkinum sambært hesi kanning ikki endurspeglast í politiska viljanum á tingi, tí har er hvørki vilji til at loyva fríari rúsdrekkasølu ella til at loyva at bryggja sterkt í Føroyum.
Pál Weihe, formaður í Fyribyrgingarráðnum, sigur við Sosialin, at hann mælir staðiliga frá fríari rúsdrekkasølu.
