Viljormur Davidsen leikti allan dystin fyri Vejle, ið vitjaði FC Midtjylland í Herning í dysti í donsku superliguni í kvøld.
Vejle tapti greitt 1-4 fyri FC Midtjylland, ið við sigrinum nú liggur á odda í superliguni.
Fyrsta lítla tíman var Vejle væl við. FC Midtjylland var á odda 1-0 í steðginum, men seks minuttir inn í seinna hálvleik javnaði Denis Kolinger fyri Vejle.
Men bara fimm minuttir seinni legði FC Midtjylland seg á odda 2-1, og í seinasta korterinum av dystinum økti heimaliðið til 3-1 og til 4-1.
Vejle er aftast í superliguni við einum stigi fyri fýra dystir.
Mánakvøldið 16. august tekur Vejle móti AaB á heimavølli.
HER ber til at síggja fýra av teimum fimm málunum, ið vóru skotin í dystinum millum FC Midtjylland og Vejle:
##med2##
