Hetta er tað besta árið nakrantíð hjá norskum fótbólti.
Í summar gjørdist Noreg nummar fimm í HM-endaspælinum í fótbólti, og nú hava tvey norsk lið megna at vinna seg í deildarspælið í Champions League.
Bodø/Glimt vann ígjár 3-0, og harvið ein samlaðan 6-1 sigur á niðurlendska liðnum, NEC Njimegen. Harvið hevur Bodø/Glimt vunnið seg í deildarspælið tvey ár á rað.
Mikukvøldið skuldu verandi meistararnir, Viking Stavanger gera teimum kunstin eftir.
Viking hevði javnleik 2-2 við sær úr Kroatia aftaná fyrra røkk støkk dystinum móti Kroatia Zagreb.
Tað eydnaðist Viking at vinna heimadystin 3-1, og harvið ein samlaðan 5-3 sigur.
Talan er um søguskriving, tí hetta er fyrstu ferð Viking vinnur seg til deildarspælið í heimsins fremstu kapping fyri felagslið.
Viking og Bodø/Glimt vera einastu umboðini fyri norðurond í deildarspælinum í Champions League.
Viking FK-Dinamo Zagreb 3-1 (1-1) - Viking vinnur samantalt 5-3.
0-1 Arber Hoxha ('10 )
1-1 Zlatko Tripic, br. ('18 )
2-1 Edvin Austbo ('48 )
3-1 Tobias Moi ('50 )
