TRÝST á HESA leinkjuna: http://video.eurosport.co.uk/football/uefa-european-under-17-championship/2017/france-destroy-faroe-islands-in-u17-euros_vid973492/video.shtml
og síggj hæddarpunktini - ella læddarpunktini um ein vil - frá U17 EM-dystinum millum Frakland og Føroyar, sum endaði við einum 7-0 stórsigri til fraklendingar. Longu í steðginum var 5-0 til Frakland. Frakland var á odda 4-0 tá bert 20 minuttir vóru spældir av dystinum.
Ein má boyggja seg fyri, at summi av málunum eru framúr vøkur, og væl spæld. Syndarligu hagtølini siga royndir á málið: 20-0 til Frakland, og royndir innanfyri málrammurnar: 13-0 til Frakland. Haraftrat høvdu fraklendingar bóltin 73 prosent av tíðini, so tað stóð veruliga illa til hjá Føroyum í dag. Samstundis er tað ógvuliga gátuført, at fraklendingar ikki fingu stig ímóti Ungarn í tí fyrsta dystinum.
Skotland og Ungarn spældu í dag javnleik 1-1, og er støðan í bólki B er tí hendan:
1. Skotland 2 3-1 4 stig
2. Ungarn 2 4-3 4 stig
3. Frakland 2 9-3 3 stig
4. FØROYAR 2 0-9 0 stig
