TRÝST á PÍLIN á MYNDINI, og síggj hæddarpunktini frá dystinum, sum var í okkara HM-undankappingarbólki, bólki B millum Sveis og Lettland.
Sveis var stórur favorittur at vinna dystin, men Lettland stríddist manniliga, og Sveis mátti arbeiða hart fyri at hála ein týdningarmiklan 1-0 sigur heim. Josip Drmic skoraði sigursmálið við einum góðum stútara, tá 66 minuttir vóru leiktir av dystinum. Lettland hevði eisini sínar málmøguleikar í dystinum.
Sveis er á odda í HM-undankappingarbólki B við 15 stigum fyri fimm dystir. Lettland er næstaftast við trimum stigum.
Komandi dystur hjá Sveis er á Tórsvølli, fríggjakvøldið 9. juni, har Føroyar skulu spæla sín triðja heimadyst í hesari undankappingini.
