Hallur Hansson fekk fulla spælitíð - og tað gula kortið - tá lið hansara, AC Horsens í dysti í donsku superliguni í kvøld tapti 1-2 ímóti FC Nordsjælland á útivølli.
AC Horsens kom annars á sigurskós, tá ein hálvur tími var farin, tá Kim Aabech legði AC Horsens á odda 1-0. Men seinastu 10 minuttirnar misti AC Horsens alt úr hondum, tá FC Nordsjælland við málum hjá Emiliano Mercandes og Marcus Ingvartsen tryggjaði sær sigurin.
Leygardagin klokkan 15 spælir AC Horsens á heimavølli ímóti Viborg FF.
Liðið hjá Brandi Hendrikssyni Olsen, Randers FC tapti í kvøld 0-1 ímóti Brøndby á heimavølli. Brandur sat á beinkinum allan dystin. Í annaðkvøld klokkan 19 taka Jóan Símun Edmundsson og liðfelagarnir í OB ímóti Esbjerg í einum sonnum botnbraki.
TRÝST á PÍLIN á MYNDINI, og síggj málini frá dystinum millum FC Nordsjælland og AC Horsens.
Støðan í donsku superliguni :
| 1 | FCK | 19 | 14 | 5 | 0 | 44:8 | 47 |
| 2 | Brøndby | 19 | 11 | 5 | 3 | 40:15 | 38 |
| 3 | Midtjylland | 18 | 9 | 5 | 4 | 37:20 | 32 |
| 4 | Randers FC | 19 | 9 | 5 | 5 | 25:20 | 32 |
| 5 | Lyngby | 19 | 9 | 3 | 7 | 19:17 | 30 |
| 6 | SønderjyskE | 19 | 7 | 7 | 5 | 24:25 | 28 |
| 7 | Nordsjælland | 19 | 6 | 6 | 7 | 30:34 | 24 |
| 8 | AC Horsens | 19 | 6 | 6 | 7 | 23:33 | 24 |
| 9 | AaB | 19 | 6 | 5 | 8 | 20:27 | 23 |
| 10 | AGF | 19 | 5 | 5 | 9 | 27:31 | 20 |
| 11 | Silkeborg | 18 | 4 | 7 | 7 | 22:32 | 19 |
| 12 | OB | 18 | 3 | 5 | 10 | 14:27 | 14 |
| 13 | Viborg | 19 | 3 | 4 | 12 | 20:34 | 13 |
| 14 | Esbjerg | 18 | 2 | 6 | 10 | 19:41 | 12 |
