Tíðin gongur skjótt.
Tað eru longu fimm ár síðani Ísland framdi sítt fremsta fótbóltsbragd nakrantíð í Nice í Fraklandi, tá teir í EM-áttandapartsfinaluni skelkaðu fótbóltsheimin og sendu stóra Ongland úr EM-kappingini.
Ísland vann 2-1. Wayne Rooney legði sum ætlað Ongland á odda 1-0 aftaná brotsspark í fjórða minutti, men tveir minuttir seinni javnaði Ragnar Sigurðsson til 1-1, og í 17. minutti skoraði Kolbeinn Sigþórsson sigursmálið til 2-1.
Tað er ikki ov nógv sagt, at allur fótbóltsheimurin - uttan onglendingur - fegnaðust saman við íslendingum.
Á ovara videobrotinum síggjast og hoyrast íslendsku málini við legendariska frásøgumanninum, Gummi Ben. Á niðara videobrotinum sæst og hoyrist Gummi Ben flippa út aftaná seinasta bríksl:
##med2##
##med3##
