Triðja hvør kvinna í Keypmannahavn og grannakommununum sigur nei takk til tilboðið um at lata seg kanna fyri bróstkrabba. Tilboðið er partur av einari kanningarverkætlan, har allar kvinnur millum 50 og 69 ár fáa tilboð um eina sokallaða mammografi-screening, sum kann avdúka møgulig tekin um bróstkrabba.
Men sambært tølum hjá Region Hovedstaden eru tað bara tveir triðingar av kvinnunum, sum taka av tilboðnum.
Ein meiriluti í Fólkatinginum hevur gjørt av, at allar danskar kvinnur millum 50 og 69 ár skulu fáa tilboð um kanning annaðhvørt ár.
