Veðrið í dag:
Hvassur vindur av landnyrðingi og norði, men út á dagin minkar hann vindin til stívt andøvsgul. Skýggjað og kavaælingur og hitin millum frostmarkið og 4 kuldastig.
Veðrið hósdagin:
Andøvsgul upp í ein strúk av norði og landnyrðingi og kavaælingur. Hitin fellur niður í 3 til 8 kuldastig.
Veðrið fríggjadagin:
Gul til stívt andøvsgul av norði og landnyrðingi, út á dagin lækkar hann niður í landsynning og frískar vindin. Kavi ella kavaælingur og hitalagið millum 3 og 8 kuldastig.
Veðrið leygardagin og sunnudagin:
Andøvsgul upp í ein strúk millum eystan og norðan, seinni minkandi. Framvegis okkurt kavaælið og hitin kemur upp millum 1 og 6 kuldastig.
Í gjár:
Eitt lágtrýstøki, um 980 hPa. í útnyrðing úr Skotlandi fer spakuliga eystureftir.
Í dag:
Fríggjadagin kemur eitt nýtt lágtrýst móti Skotlandi vestaneftir.
