Tá ið annar ársfjórðingur endaði hevði amerikanski vápnaframleiðarin Lockheed Martin fingið ordrar fyri 1050 milliardir krónur. Tað er tað mesta nakrantíð.
Høvuðsorsøk til ovurhonds stóru ordrarnar er, at alt fleiri F-35 stríðsflogfør eru umbiðin, og at stórur eftirspurningur er eftir ymiskum rakettsløgum. Harafturat eru eisini fleiri ordrar frá vanligari flogferðslu.
Lockheed Martin hevur havt trupulleikar við at lata umbidnar ordrar av F-35 flogførum, tí telduskipanir skuldu dagførast. Eitt nú bíðar amerikanska verjumálaráðið eftir F-35 flogførum, sum tey hava umbiðið.
Lockheed Martin hevur framleitt F-35 stríðsflogførini, sum danska verjan hevur.
