Úrtøkan hjá føroyingaliðunum í bestu donsku hondbóltsdeildunum var stak vánalig í kvøld.
Í bestu kvinnudeildini tapti Ajax greitt 20-28 fyri Århus á útivølli. Í steðginum var heimaliðið á odda 13-8.
Súna Krossteig Hansen skoraði tvey mál fyri Ajax í kvøld.
Ajax er fjórðaftast í deildini við bert fimm stigum fyri átta dystir.
Komandi mikukvøld tekur Ajax móti liðnum hjá Anniku Fríðheim Petersen, Nykøbing Falster á heimavølli.
Í bestu donsku mansdeildini vóru Vilhelm Poulsen og liðfelagarnir í Lemvig Thyborøn fyri einum 21-25 tapi fyri Fredericia á útivølli.
Í steðginum var Fredericia á odda 11-10. Vilhelm var ikki millum málskjúttarnar hjá Lemvig Thyborøn hesaferð.
Lemvig Thyborøn liggur fjórðaftast í deildini við átta stigum fyri 15 dystir.
