Liðið hjá Bjarna í Selvindi og Allani Norðberg, Valur spældi í kvøld toppdyst á heimavølli í høllini á Hlíðarenda í Reykjavík.
Dysturin var ímóti verandi meistarunum, FH.
Tað eydnaðist Vali at vinna ein flottan 33-26 sigur á verandi meistarunum. Í steðginum var Valur frammanfyri 16-14.
Bjarni skoraði fimm mál og var næstbesti málskjúttin hjá Vali. Allan skoraði tvey mál og fær eisini rós fyri dygdargott verjuspæl.
Valur hevur 22 stig á triðja plássinum í deildini. FH og Fram eru fremst við 23 stigum hvør.
Liðið hjá Sveini Olafssyni og Halli Arasyni, Afturelding hevur 22 stig á fjórða plássinum, so tað er sera javnt og spennandi í bestu íslendsku deildini.
