Vága kommuna og Almannamálaráðið eru nú samd um eina avtalu um, kommunurnar í Vágum yvirtaka ellis- og røktarheimið á Sýnini í Vágum.
Kommunustýrið í Vága kommunu góðkendi avtaluna á kommunustýrisfundi í gjár.
Men samtyktin er treytað av, at eisini sjálvsognarstovnurin fyri heimið á Sýnini, Sørvágs kommuna, og Føroya Løgting eisini góðkenna avtaluna.
Avralan snýr seg um, hvørjar ábøtur og umvælingar skulu gerast á heiminum á Sýnini, og hvussu tað skal fíggjast, áðrenn heimið verður avhendað til kommunurnar í Vágum.
|
