Sune Joensen í Havn, kendur sum stjóri á Brunatrygging, hevur skrivað bók um sluppina.
Talan er um stóra bók við harðari permu og við nógvum teknum av øllum lutum á eini slupp.
Sum forlagið Sprotin skrivar, so setur Sune Joensen við hesum verki ein sjaldsaman varða yvir skipið, ið legði lunnar undir føroyskan fiskiskap á fjarleiðum.
Hóast vrakað av onglendingum, komu hesi skip at verða grundstuðulin í føroyskum vinnulívi í langa tíð.
Tann fyrsta varð keypt í 1872. Tað eru tí 150 ár liðin, síðan sjøtul varð settur á tað virksemið, sum seinni kollvelti føroyska bóndasamfelagið.
Men hvussu sigldu menn tvørtur um høv við hesum førum? Hvussu vóru tey riggað?
##med2##
Sune hevur skrásett og teknað hvønn smálut og hvønn togenda á sluppini og greiðir í hesari bókini frá, hvussu hvørt sprek í farinum varð nevnt og brúkt.
Bókin, sum fæst til keyps í bókabúðum, kostar 348 krónur.
##med3##
##med4##
##med5##
##med6##
##med7##
##med8##
##med9##
