Køld luft streymar av norðri og útnyrðingi oman yvir Føroyar og hósdagin nærkast eitt brúgvalag av suðri. Um vikuskiftið nærkast nýggj brúgvaløg av suðri og tað verður nakað lýggjari.
Í dag verður sum frá líður lot til andøvsgul av útnyrðingi, 3 til 8 m/s. Skýggjað og fyri tað mesta turt. Hitin millum 10 og 13 stig.
Mikunáttina verður lot til andøvsgul av útnyrðingi ella ymsum ættum, 3 til 8 m/s. Turt og sólglottar og hitin millum 9 og 12 stig. Um náttina snarar hann í ein eystan og verður gul til stívt andøvsgul, 5 til 10 m/s. Tað verður skýggjað og hitin millum 4 og 9 stig.
Hósdagin verður gul til stívt andøvsgul av eystri og landnyrðingi, 5 til 10 m/s, um náttina fer hann í ein norðan og makar nakað. Regn av og á, men eisini sólglottar. Hitin alt samdøgrið millum 7 og 12 stig.
Fríggjadagin verður lot til andøvsgul av norðri, 3 til 8 m/s, sum út á dagin snarar í ein eystan. Okkurt ælið, men eisini sólglottar. Hitin um dagin um 12 stig. Um náttina øtlar hann vindin og verður andøvsgul upp í ein strúk av eystri og landsynningi, 8 til 13 m/s. Skýggjað og út á náttina fer at regna. Hitin um 10 stig.
Leygardagin verður andøvsgul upp í ein strúk av eystri og landsynningi, 8 til 13 m/s, sum snarar í ein sunnan og verður gul til stívt andøvsgul, 5 til 10 m/s. Skýggjað og stundum regn. Hitin alt samdøgrið millum 9 og 13 stig.
Sunnudagin verður gul til stívt andøvsgul av útsynningi og suðri, 5 til 10 m/s, í støðum upp í strúk í vindi, 13 m/s. Regn ella ælaveður, men eisini onkrir sólglottar. Hitin alt samdøgrið millum 10 og 15 stig.
