Leygarkvøldið 6. oktober, verður innrás av Vága-sound og Vága-tónleikarum í Syðrugøtu.
Ikki minni enn tríggjar framførslur verða á skránni, har tónleikaliga fjølbroytni fevnir sera víða.
Tey ið trína á pall í Tøting verða:
Tinganest:
Tinganest er ein legendariskur føroyskur tónleikabólkur, sum við sínum orginaliteti hevur skapt sítt heilt egna eyðkenda ljóð og sína egnu sjangru, ið vit kenna best sum "Vága-sound". Tónleikarnir, ið mynda Tinganest í dag eru, Finnur J. Jacobsen trummur og sang, Jóan Jakku Guttesen og sang, Holgar Jacobsen guitar, Magnus á Stongum guitar og sang.
The Colour Storm:
Er ein ungur lovandi bólkur úr Miðvági, sum smíðja góðan og melodiøsan rokktónleik. Um tú vitjar hesa leinkju: soundcloud.com/thecolourstorm , kanst tú læra tónleikin hjá The Colour Storm at kenna. Teir, ið mynda bólkin eru Esmar P. Fagraberg guitar og sang, Niels Petur Fagraberg trummur og á bassinum er Rógvi Johannesen.
Tórfríð og Holgar:
Tórfríð Tavsen og Holgar Jacobsen hava spælt rættuliga nógv saman, og hava tey framført ymsastaðni í landinum. Tórfríð stendur fyri sanginum, meðan Holgar spælir akkustiskan guitan og syngur eisini afturat Tórfríð.
Tiltakið byrjar kl. 20.30.
Hesum boða fyrireikarar frá í dag.
