Kvinnurnar hjá VÍF høvdu 10 mál at tera uppá frá fyrru hálvfinaluni ímóti VB í Faxe Kondi kappingini.
Mikukvøldið vann VÍF 28-18 ímóti VB suðuri í Vági, og tað tyktist mest sum avgjørt hvør kom víðari.
Men VB spældi fyri sínum møguleika í fyrra hálvleiki í Vestmanna í tí seinnu hálvfinaluni, og í steðginum var VB á odda 15-11.
Men í seinna hálvleiki fekk VÍF rættað uppá tingini, og tær vunnu at enda 25-23, og samanlagt 53-41.
Agnas Olsen var sera eyðsýnd hjá heimaliðnum, og hon skoraði 12 mál í dystinum í dag.
Caroline Ladefoged var toppskjútti hjá VB við seks málum.
Í steypafinaluni møtast VÍF og Kyndil. Kyndil vann samanlagt 64-42 á H71.
