Á Fiskamarknaði Føroya vita tey at siga, at øll tey størru ísfiskalínuskipini liggja við bryggju í løtuni.
- Tvey smærri ísfiskalínuskip eru til fiskiskap. Annað er vestan fyri, og hitt er á Føroyabanka. Væntandi landa báðir bátarnir síðst í hesi vikuni.
Av frystilínuskipunum er eitt í Eysturgrønlandi, og fimm eru undir Føroyum.
- Streymurin verður harður tað mesta av vikuni, men veðrið verður gott.
Roknað verður ikki við nógvum útróðri, tí umframt, at streymurin er harður, er fiskiskapurin eisini smáligur.
- Útróðrarbátarnir fáa mest av hýsu, leggja tey á Fiskamarknaði Føroya aftrat.