Amerikanski løgmálaráðharrin, Eric Holder, sigur, at amerikonsku myndugleikarnir eru farnir undir at kanna umstøðurnar í sambandi við tann ógvusliga oljulekan í Meksikoflógvanum. Talan er um tvær kanningar, eina sivila og eina kriminella.
Eric Holder boðaði frá teimum báðum kanningunum, eftir at hann hevði havt fund við ákæruvaldið í statunum Louisiana, Mississippi og Alabama um málið.
Løgmálaráðharrin vildi ikki siga, hvørji feløg verða kannað, men amerikanskir fjølmiðlar siga, at British Petroleum, Halliburton, Transocean og felagið, sum átti boripallin Deepwater Horizon, hava fingið boð um goyma øll skjøl, sum hava samband við oljulekan, tí tey kunnu fáa týdning í einari møguligari kanning.
