Um amerikonsku heilsumyndugleikarnir loyva at koppseta børn í aldrinum 5-11 ár móti koronu, so er USA til reiðar at fara undir hesa koppseting.
Soleiðis ljóðar í boðum á heimasíðuni hjá Hvítu Húsunum í dag.
Koppingarframleiðarin Pfizer søkti í oktober um at fáa góðkent sítt koppingarevni til børn millum 5 og 11 ár.
Næstu tvær vikurnar fer umsóknin at verða mett av tveimum serfrøðingabólkum.
– Ætlan okkara merkir, at vit vilja vera til reiðar at koppseta dagin eftir at síðsta góðkenningin er komin frá CDC, stendur í boðunum.
CDC er amerikanska miðstøðin fyri sjúkfyribyrging. Tað er haðani, at serfrøðingar skulu vera við til at gera av, um eisini 5-11 ára gomul skulu fáa koppingarevni frá Pfizer.
Um loyvi verður givið, fara einar 28 milliónir børn í aldrinum 5-11 ár at fáa í boði koppseting ímóti koronu.
/ritzau/