Fimm dystir í 23. umfari í Premier League hava verið í kvøld. Manchester United hevði ein gyltan møguleika, at flyta eitt sindur í oddastríðnum, tí Liverpool og Manchester City møtast í morgin, men United tók ikki av.
Manchester United var á odda 2-0 í hálvleikinum móti Everton, sum tó javnaði bara tíggju minuttir inni í seinna hálvleik. Manchester United kom eisini á odda 3-2 við mál frá Scott McTominay, men langt inni í yvirtíðini javnaði Dominic Calvert-Lewin fyri gestirnar úr Liverpool.
Í fyrsta dystinum í dag tapti Arsenal 1-0 móti Aston Villa. Ollie Watkins skoraði málið eftir uppspæl frá Bertrand Traore. West Ham, sum hevur blandað seg upp í Champions League stríðið, fekk bara málleysan javnleik á útivølli móti Fulham.
Newcastle vann 3-2 á Southampton. Heimaliðið hevur verið fyri kritikki, men Newcastle er leyst av niðurflytingarstríðnum. Venjarin hjá Southampton græt, tá liðið vann móti Liverpool fyri kortum. Síðani hevur liðið bara tapt. Burnley og Brighton deildu stigini á Turf Moor.
| 1 | Man City | 21 | 14 | 5 | 2 | 39:13 | 47 |
| 2 | Man Utd | 23 | 13 | 6 | 4 | 49:30 | 45 |
| 3 | Leicester | 22 | 13 | 3 | 6 | 39:25 | 42 |
| 4 | Liverpool | 22 | 11 | 7 | 4 | 43:25 | 40 |
| 5 | West Ham | 23 | 11 | 6 | 6 | 34:28 | 39 |
| 6 | Everton | 21 | 11 | 4 | 6 | 34:28 | 37 |
| 7 | Chelsea | 22 | 10 | 6 | 6 | 36:23 | 36 |
| 8 | Aston Villa | 21 | 11 | 2 | 8 | 36:24 | 35 |
| 9 | Tottenham | 21 | 9 | 6 | 6 | 34:22 | 33 |
| 10 | Arsenal | 23 | 9 | 4 | 10 | 27:23 | 31 |
| 11 | Leeds | 21 | 9 | 2 | 10 | 36:38 | 29 |
| 12 | Southampton | 22 | 8 | 5 | 9 | 29:37 | 29 |
| 13 | Crystal Palace | 22 | 8 | 5 | 9 | 27:37 | 29 |
| 14 | Wolves | 22 | 7 | 5 | 10 | 23:31 | 26 |
| 15 | Brighton | 23 | 5 | 10 | 8 | 25:30 | 25 |
| 16 | Newcastle | 23 | 7 | 4 | 12 | 25:38 | 25 |
| 17 | Burnley | 22 | 6 | 5 | 11 | 14:29 | 23 |
| 18 | Fulham | 22 | 2 | 9 | 11 | 17:31 | 15 |
| 19 | WBA | 22 | 2 | 6 | 14 | 18:52 | 12 |
| 20 | Sheffield Utd | 22 | 3 | 2 | 17 | 14:35 | 11 |
