Í Leicester er lagið gott í kvøld. Enska felagið, sum í kvøld hevði vitjan av Manchester United, megnaði í evstu løtu av dystinum at skora útjavnandi málið til 2-2, hóast Leicester var ein maður færri, eftir at Daniel Amartey hjá Leicester hevði fingið reyða kortið í seinna hálvleiki.
Fyri Manchester United var 2-2 javnleikurin ófyrigeviligur, tí teir seinastu tjúgu minuttirnar av dystinum, hevði Manchester United risa møguleikar í hópatali at lukka dystin við. Millum annað Jesse Lingard og Marcus Rashford eiga at hava torført við at sovna í kvøld, tí teir báðir skuldu havt lukkað dystin fyri Manchester United seinastu løtuna.
Teir sum skutu málini í 2-2 dystinum millum Leicester og Manchester United vóru ensku Jamie Vardy og Harry Maguire fyri Leicester, meðan Juan Mata skoraði bæði málini fyri Manchester United.
Fyrr í kvøld var ein annar dystur spældur. Hann var millum Burney og Tottenham. Tann dysturin endaði við einum greiðum 3-0 sigri til Tottenham, har Harry Kane var stóri spælarin á vøllinum. Harry Kane skoraði nevniliga øll trý málini og reint hattrick í tí dystinum.
Úrslitini í Premier League í dag:
Everton – Chelsea 0-0
Brighton – Watford 1-0
Manchester City – Bournemouth 4-0
Southampton – Huddersfield 1-1
Stoke – West Bromwich 3-1
Swansea – Crystal Palace 1-1
West Ham – Newcastle 2-3
Burnley – Tottenham 0-3
Leicester – Manchester United 2-2
