Ungarski hondbóltsmiðilin, Handballexpert veit at siga, at føroyski landsliðsleikarin og stórtalentið, Óli Mittún skal spæla við ungarska toppliðnum, Szeged í 2024.
Høvuðspersónurin sjálvur, Óli Mittún sigur í stuttari viðmerking til in.fo, at talan er bert um eina søgu.
Sambært Handballexpert skal núverandi venjarin hjá Sävehof, Michael Apelgren taka við starvinum sum høvuðsvenjari hjá Szeged í 2024, og hann hevur sett fram ynskið, at Óli Mittún fer at fylgja honum til Szeged í Ungarn.
Handballexpert sigur seg hava søguna um eitt skiftið hjá Óla Mittún til Szeged í 2024 frá einari týskari keldu. Tann týska keldan visti eisini at siga Handballexpert, at THW Kiel, ið verður felagið hjá Eliasi Ellefsen á Skipagøtu komandi kappingarár eisini hevur áhuga í at skriva sáttmála við Óla Mittún.
##med2##