Umboð fyri Ukraina og Russland skulu eftir ætlan hittast í Istanbul í Turkalandi í dag.
Her skulu umboðini viðgera eina møguliga friðarætlan í krígnum millum Russland og Ukraina.
Fundurin kemur dagin eftir, at Ukraina framdi eitt stórálop á hernaðarflogvallir í fleiri ymiskum russiskum regiónum.
Norska kringvarpið veit í morgun at siga, at ukrainska sendinevndin er undir leiðslu av verjumálaráðharranum, Rustem Umerov.
- Russiska sendinevndin er undir leiðslu av ráðgevanum hjá Vladimir Putin, forseta, Vladimir Medinskij, verður lagt aftrat.
