Ukrainski forsetin, Volodymyr Zelenskyj, sigur, at ukrainska verjan hevur oyðilagt eitt stórt russiskt skip á sonevndu Kertsj-skipasmiðjuni á Krim-hálvoynni.
Hesi tíðindi bórust eisini í gjár, og í kvøld síggjast myndir av skipinum í ukrainskum miðlum. Ukrainar siga, at talan er um russiska krússaran, Askold.
- Eg takki øllum, sum tryggjaðu væleydnaða álopið og oyðileggingina av skipinum á Kertsj-skipasmiðjuni, sigur ukrainski forsetin í røðu í kvøld.
Tað var í hesi røðu, at Volodymyr Zelenskyj segði, at talan er um russiska krússaran, Askold.
Fyri tveimum døgum síðan segði ukrainska verjan seg hava framt atsóknir á Krim-hálvoynni, og tað er Reuters, sum ber hesi tíðindi í kvøld.
Ukrainskir miðlar kunngera í kvøld myndina omanfyri, sum skal vísa skaðarnar, sum Askold hevur fingið í ukrainska álopinum.
##med2##
