U19 menninir reistu seg og leiktu ein munandi betri dyst í kvøld ímóti Onglandi enn dystin, sum teir leiktu í morgun ímóti Íslandi.
Fyri at føroysku U19 menninir skuldu hava nakran tjans at koma í finalua var ein sigur á Onglandi neyðugur. Sigurin varð minni enn vóna var og fingu ungu føroysku menninir 2 stig til høldar og ikki 3, sum ætlað var.
Men liðið leikti við gleði og árræði og vísti, at talan í veruleikanum er um góðar leikarar. Bæði álopsspælið og verjuspælið var munandi betri enn í morgun.
Liðið má nú vinna á Danmark fyri at koma í finaluna. Eitt stig - eitt 3-2 tap - kann verða nóg mikið, men so verður avgerðandi, hvussu Ongland og Ísland deila stigini sínamillum í morgin.
Dysturin ímillum Føroyar og Danmark er í morgin kl. 10.00
