Føroyska U19 manslandsliðið fær møguleikan longu klokkan 12 í morgin at koma upp á tann tiltikna hestin aftur aftaná vónbrotið móti Egyptalandi fyrr í dag.
Føroyar skulu spæla Play Off dyst móti Portugal um rættin at spæla um fimta plássið komandi sunnudag klokkan 14.
Portugal vóru avsmurdir tá teir spældu fjórðingsfinalu móti Danmark í dag.
Danmark vann stórsigur 35-25 (20-14) á Portugal.
Tað verður sostatt hálvfinala millum Danmark og Egyptaland klokkan 19.30 í annaðkvøld.
Fyrr í dag vann Spania 32-28 (16-12) á Týsklandi.
Fjórða og seinasta fjórðingsfinalan millum Kroatia og Noreg verður spæld í kvøld klokkan 19.30.
